LEGAZPI CITY - Tinawanan na
lamang ni Vice Presidente Jejomar Binay ang mga akusasyong sa kanilang pamilya
may kinalaman sa makontrobersiyal na P2.7 billion na umano'y overpriced
building sa lungsod ng Makati.
Sa panayam ng Bombo Radyo Legazpi
sa ikalawang pangulo, sinabi nito na ang mga nasa likod ng naturang mga
akusasyon ay namomolitika lamang at sinasakyan naman ng iilan na kontra sa
kanilang partido.
Hindi man pinangalanan subalit,
binigyang-diin ni Binay na ang mga talunan sa kanilang lungsod at ang mga nais
na magpasikat ang nasa likod ng pagpapakalat at pagbibigay kulay sa kanilang
mga nagawa sa lungsod ng Makati.
'Nakatutuwa itong inilalabas na
bintang na ito, kinakalat pa na halatang-halata na politically motivated. Ang
naghablang yun eh ay talunan yun sa amin.Eh dating barangay captain,
nagkandidatong konsehal nanalo ang kalaban, nagkandidatong Mayor, nanalo ni
Mayor Junjun Binay, tumakbo ulit na kapitan, natalo na naman, so makikita mo
ang pinaggagalingan nito. Tapos sinasakyan pa ni Sen. Antonio Trillanes, eh,
mahilig po siguro talaga sa angkas yun. Pero ang masasabi ko lang, at the end
of the day, sa Diyos at sa tao na mapapatunayan kung hindi totoo ang mga
bintang na yun." ang bahagi ng pahayag ni VP Binay.
No comments:
Post a Comment